Воскресенье, 20.09.2020, 7:52:05
Приветствую Вас Гость | RSS

Нюрбинская начальная общеобразовательная школа №3

Меню сайта
Статистика

Онлайн всего: 1
Гостей: 1
Пользователей: 0
Форма входа
Главная » 2017 » Февраль » 14 » Открытие месячника родного языка и литературы
11:28:09
Открытие месячника родного языка и литературы

Төрөөбүт тыл уонна сурук-бичик ыйын аһыллыыта.

         Олунньу 10 күнүгэр оскуолабытыгар аактабай саалаҕа сахалыы сайбаччы таҥныбыт-симэммит оҕолор уонна учууталлар тоҕуоруһа муһуннулар. Бу күн биһиэхэ төрөөбүт сахатын тылын сайыннарыыга-чинчийиигэ олоҕун анаабыт, сахалыы алпаабыты төрүттээбит, бастакы лингвист-учуонай Сэмэн Өндүрүөйэбис Ноҕоруодап 125 сааһыгар аналлаах Төрөөбүт тыл уонна сурук-бичик ыйын аһыллыыта буолла.

         Бу үөрүүлээх тэрээһиммитин Ньурба көһө сылдьар драматическай тыйаатырын артыыһа Слепцов Д.К. кыракый аал уоту оттон, арыылаах алаадьынан аһатан, алгыс тылын этэн-туойан арыйбыта.

Онтон ыытааччылар – библиотекарь Алексеева А.Н., дириэктэри үөрэх чааһыгар солбуйааччы Гагарина Э.Г., сурук-бичик күнэ хаһан олохтоммутун, Сэмэн Ноҕоруодап олоҕун уонна үлэтин туһунан кылгастык кэпсээбиттэрэ.

Оскуолабыт дириэктэрэ Кузьмин П.П. оҕолорго төрөөбүт төрүт тылбыт эгэлгэтин, эриэккэһин, этигэнин үөрэтиҥ, сайыннарыҥ, харыстааҥ уонна ытыктааҥ диэн эттэ.  

Музыкальнай-инструментальнай ансаамбыл «Харысхал» (салайааччы Гагарина Э.Г.) уолаттара күпсүүргэ дохсуннук оонньоон доҕуһуоллаан, кыргыттара норуот ырыаларынан попурри толорон тэрээһиммитин олус киэргэттилэр.

Дьикти алыптаах дорҕооннору хомуска оонньоон дьүрүһүттүлэр «Этигэн хомус» куруһуок иитиллээччилэрэ, салайааччы Федорова М.И.

«Эрэлчээн» үҥкүү ансаамбыл (салайааччы Плотникова В.Г.) кыргыттара «Оҕо сааһым доҕоро – кулунчук» диэн бэртээхэй үҥкүүнү көрдөрдүлэр.   

 Оҕолорбут чаҕылхай эҕэрдэ нүөмэрдэрин кырачаан көрөөччүлэрбит сэҥээрэн көрдүлэр, болҕойон иһиттилэр.

Оҕолорбутун саха мааны аһынан – сылаас алаадьынан күндүлээн, саха саарыннара – улуу суруйааччыларбыт ийэ тылбыт туһунан хомоҕой хоһооннорун, бэргэн этиилэрин истэн үөрэн-көтөн тарҕастыбыт.   

 

Алексеева А.Н.,

Олунньу 14 күнэ, 2017с.

Просмотров: 184 | Добавил: Семсем | Рейтинг: 0.0/0
Всего комментариев: 0
Имя *:
Email *:
Код *:
Поиск
Календарь
«  Февраль 2017  »
ПнВтСрЧтПтСбВс
  12345
6789101112
13141516171819
20212223242526
2728

Copyright MyCorp © 2020
Сделать бесплатный сайт с uCoz