9 января 2018 года прошел конкурс инсценировок, посвященный году Экологии. В нем приняли участие семь школ.

Экология уонна ураты харыстанар сир-уот сылын чэрчитинэн алын кылаас үѳрэнээччилэригэр инсценировка күрэ5э

Арассыыйа үрдүнэн Экология уонна ураты харыстанар сир-уот сылын чэрчитинэн Ньурба үѳрэ5ириитин салалтата, Ньурбатаа5ы государственнай кѳhѳ сылдьар тыйаатыра, Ньурба 3 №-дээх алын сүҺүөх оскуолата, улуустаа5ы алын кылаастар учууталларын методическай холбоhуга алын кылаас үѳрэнээччилэригэр иккис сылын инсценировка күрэ5ин тэрийдэ.

Бу күрэххэ барыта 7 оскуола кѳхтѳѳх кыттыыны ылла: Н.Н. Чусовской аатынан Антоновка орто оскуолата, Араҥастаах «Сайдыс» оскуола-саада, Чуукаар орто оскуолата, Ньурбачаан орто оскуолата, Дьаархан орто оскуолата, Хорула орто оскуолата, Ньурба куорат 3 №дээх алын сүҺүөх оскуолата.

Дьʏʏллʏʏр сʏбэ састааба:

— Васильева В.П. – методист НОО МКУ «УОНР»,

— Семенова М.Е. — Ньурбатаа5ы государственнай кѳhѳ сылдьар тыйаатыр литературнай чаас сэбиэдиссэйэ;

— Васильева С.И. — Ньурбатаа5ы государственнай кѳhѳ сылдьар тыйаатыр артыыһа;

— Федорова Е.Е. – Ньурбатааҕы эбии ʏөрэхтээһин педагога, «Калейдоскоп» телестудия салайааччыта;

— Яковлев А.Н. – старший гос. Инспектор Нюрбинского комитета министерства Охраны природы.

Дьүүллүүр сүбэ киирбит үлэлэри маннык ирдэбиллэринэн сыаналаата:

• айымньы ис хоhоонун арыйыы;
• толоруу маастарыстыбата;
• театральнай реквизиттары сѳптѳѳхтүк туhаныы;
• сценическэй кѳстүүмнэр;
• бириэмэни тутуhуу.

Күрэх түмүктэрэ:

Кыайыылаах үрдүк аатын ылла Ньурба куорат 3 №дээх алын сүҺүөх оскуолата — И.Н. Левин «Кылыы Боотур» диэн остуоруйа-поэматынан;

Иккис миэстэҕэ таҕыста Н.Н. Чусовской аатынан Антоновка орто оскуолата- Н.Г. Золотарев-Николай Якутскай «Куобах кутуруга суох буолбута» остуоруйатынан;

Үһүс бочуоттаах миэстэни ылла Араҥастаах «Сайдыс» оскуола-саада — «Айыл5абытын харыстааҥ даа!» диэн тэттик сахалыы хоһооннорго олоҕуран туруорбут инсценировкалара.

Тэрийээччи быһыытынан Ньурба 3 №-дээх алын сʏһʏөх оскуолата бэйэтэ анал бирииһин –Араҥастаах «Сайдыс» оскуола-саадыгар анаата.

Ньурбатаа5ы государственнай кѳhѳ сылдьар тыйаатыр анал бириистэрин Чуукаар уонна Хорула орто оскуолаларыгар биэрдилэр.

Айылҕа харыстабылын Министиэристибэтин Ньурбатааҕы комитета анал бирииhин Ньурба куорат 3 №дээх алын сʏһʏөх оскуолата ылла.  

Ону таhынан хас биирдии кыттыыны ылбыт оскуолалары,  оруолларын ча5ылхайдык арыйбыт о5олору Айылҕа харыстабылын Министиэристибэтин аатыттан  туоһу суруктарынан наҕараадалаата. 

Бу кʏрэххэ көхтөөх кыттыыны ылбыт оскуолаларга улахан махталбытын тиэрдэбит.