Биир идэлээхтэрбит ыалдьыттаатылар

        Хайа баҕарар оскуола эдэр педагогтар эрчимнэрин, сатаан туһанар буоллаҕына ʏлэ – хамнас кʏөстʏʏ оргуйар. Ситиһии, кыайыы да баар буолар.

        Кулун тутар 29 кʏнʏгэр Ньурба 3 №-дээх алын сʏһʏөх оскуолатыгар Дьокуускай куорат 38 №-дээх оскуолатын алын сʏһʏөх учууталларын методическай холбоһуга опыт атастаһан бардылар. Бу 2004 сыллаахха саӊа оскуола статуһын ылбыт, ол иннинэ биһиги Республикабытыгар Саха – Канадскай центр диэн ааттанан Дьокуускай куорат 7 №-дээх оскуолатыгар омук тылын тэӊэ республикабыт хотугу норуоттарын тылын ʏөрэтэр эбии ʏөрэхтээһин биһигэ этэ.        

         Билигин да ол хайысхатын тутан, Дьокуускай куоракка, Республикаҕа биир бастыӊ ʏлэлээҕинэн биллэр, маӊнайгы кылаастан оҕолору 2 омук тылыгар – французскай уонна английскай тылга, ону таһынан саха тылын иһинэн Хотугу олохтоох омуктар тылларынан ʏөрэтэр оскуола буолар.

        Бастаан, оскуолабыт дириэктэрэ Кузьмин Петр Петрович ыалдьыттары оскуола иһигэр экскурсиялаппыта, оскуола историятын, кʏннээҕи ʏлэтин кэпсээбитэ, боппуруостарга эппиэттээбитэ.

         Ол кэнниттэн, ыалдьыттарбытын, Дьокуускай оскуолатын алын сʏһʏөх ʏрдʏк таһымнаах тоҕус учууталын кытта төгʏрʏк остуол тула ʏлэбит ньыматын атастыбыт. Кинилэр «Ийэ тыл кэрэтэ» дьарык ʏөрэх программатыттан тас өттʏгэр тахсан, араас хайысхалаах сорудахтары толорор, оҕолор төрөөбʏт тылларын сонун өттʏттэн, саӊалыы көрөллөрʏгэр кыах  биэрэр, алын сʏһʏөх кылаастарыгар барытыгар ʏлэлиир тэтэрээт оӊорбуттар, ону сиһилии кэпсээтилэр. Биһиги учууталларбыт оҕону бары өттʏнэн сайыннарар ʏөрэх саӊа технологияларын туттан авторскай бырайыактарын олоххо киллэрэн ʏлэлии сылдьалларын кэпсээтилэр («Портфолио выходного дня», «Ученик года», «Утум», «Булт абылаӊа уо д.а.).

         Ол курдук, төгʏрʏк остуол тула алын сʏһʏөх кылаастар методическай холбоһуктара иитии - ʏөрэтии ʏлэтигэр бэйэлэрин санааларын, опыттарын ʏллэһиннилэр. Бары кыттыбыт учууталлар, тэрээьин ʏрдʏк таһымнаахтык, кинилэр профессиональнай таһымнара ʏрдʏʏрʏгэр туһалаахтык ааспытын, санаа ʏллэстиитигэр бэлиэтээтилэр.

         Киэһэ өттʏгэр ыалдьыттарбыт Айыы дьиэтин выставочнай залыгар иистэнньэӊ, Екатерина Егоровна Афанасьева, Ньурба театрын художнига Айыына ʏлэлэрин көрдʏлэр, Ньурба кэрэ миэстэлэринэн экскурсияҕа сылдьан куораппыт туһунан ʏчʏгэй өйдөбʏллээх төттөрʏ айаннаатылар.

Гагарина Э.Г. – дириэктэри иитэр - ʏөрэтэр ʏлэҕэ солбуйааччы.